Welcome to Dhwani Trust

ಹುಡುಕಿ
ಯೋಜನೆಗಳು

"ಧ್ವನಿ" ಸಂಸ್ಥೆಯು ಒಂದು ಶೈಕ್ಷಣಿಕ ಸಂಪನ್ಮೂಲ ಕೇಂದ್ರವಾಗಿದ್ದು, ಲಾಭ ನಿರಪೇಕ್ಷಿತ ಸಂಸ್ಥೆಯಾಗಿ ಕಾರ್ಯನಿರ್ವಹಿಸುತ್ತಿದೆ. ಮಾತೃ ಭಾಷಾ ಮಾಧ್ಯಮ, ಅದರಲ್ಲೂ ಮುಖ್ಯವಾಗಿ ಕನ್ನಡ ಮಾಧ್ಯಮ ಶಾಲೆಗಳಲ್ಲಿನ ಕಲಿಕೆ ಮತ್ತು ಬೋಧನೆಯ ಪ್ರಕ್ರಿಯೆಯನ್ನು ಬಲಗೊಳಿಸುವ ದಿಕ್ಕಿನಲ್ಲಿ ಕೆಲಸ ಮಾಡುವುದು ಈ ಸಂಸ್ಥೆಯ ಮುಖ್ಯ ಉದ್ದೇಶ. ಶಿಕ್ಷಕರ ತರಬೇತಿ, ಪೂರಕ ಕಲಿಕೆ-ಬೋಧನಾ ಸಂಪನ್ಮೂಲಗಳ ರಚನೆ, ವಿಷಯ ಜ್ಞಾನದ ಅಭಿವೃದ್ಧಿ ಹಾಗೂ ಶಿಕ್ಷಕರ ಜೊತೆಗೆ ನಿರಂತರ ಸಂಪರ್ಕ - ಇವೆಲ್ಲವೂ ಧ್ವನಿಯಲ್ಲಿ ನಡೆಯುತ್ತವೆ. ಶಾಲಾ ಪಠ್ಯಕ್ರಮ ಆಧಾರಿತ ಯೋಜನೆ ಹಾಗೂ ವೆಬ್‍ಸೈಟ್ ಮುಖಾಂತರ ಧ್ವನಿಯ ಸಂಪನ್ಮೂಲಗಳು ಶಿಕ್ಷಕರಿಗೂ ಹಾಗೂ ಮಕ್ಕಳಿಗೂ ಲಭ್ಯವಾಗುತ್ತಿವೆ. ಸದ್ಯಕ್ಕೆ ಧ್ವನಿಯ ಯೋಜನೆಗಳು ಹಿರಿಯ ಹಾಗೂ ಕಿರಿಯ ಪ್ರಾಥಮಿಕ ತರಗತಿಗಳಿಗಾಗಿ ರೂಪಿತವಾಗಿವೆ. ಅನತಿಕಾಲದಲ್ಲಿ ಹೈಸ್ಕೂಲು ಮಟ್ಟಕ್ಕೂ ಯೋಜನೆಗಳು ವಿಸ್ತರಣೆಗೊಳ್ಳಲಿವೆ.

ಪ್ರಸ್ತುತ ವೆಬ್‍ಸೈಟ್‍ನಲ್ಲಿ ಧ್ವನಿ ಶೈಕ್ಷಣಿಕ ಸಂಪನ್ಮೂಲ ಕೇಂದ್ರವು ಪ್ರಕಟಿಸಿರುವ ಎಲ್ಲ ಮುದ್ರಿತ ಸಂಪನ್ಮೂಲಗಳು ಲಭ್ಯ ಇವೆ. ಇಲ್ಲಿ ನಾನಾ ರೀತಿಯ ಸಂಪನ್ಮೂಲಗಳಿದ್ದು, ಇವುಗಳನ್ನು ತರಗತಿ ಹಾಗೂ ವಿಷಯಗಳಿಗೆ ಅನುಗುಣವಾಗಿ ವಿಂಗಡಿಸಲಾಗಿದೆ. ಈ ಸಂಪನ್ಮೂಲಗಳು ಕರ್ನಾಟಕ ರಾಜ್ಯ ಶಿಕ್ಷಣ ಇಲಾಖೆಯ ಪಠ್ಯಕ್ರಮ, ಪಠ್ಯವಸ್ತು, ಪಠ್ಯ ಪುಸ್ತಕಗಳಿಗೆ ಪೂರಕವಾಗಿವೆ. ಕೆಲವು ಸಂಪನ್ಮೂಲಗಳು ತರಗತಿ ಹಾಗೂ ವಿಷಯಗಳ ಚೌಕಟ್ಟನ್ನು ದಾಟಿದಂತವೂ ಇವೆ. ಇನ್ನು ಕೆಲವು ಆನ್‍ಲೈನ್ ಚಟುವಟಿಕೆಗಳೂ ಇವೆ. ಹಲವು ಸಂಪನ್ಮೂಲಗಳನ್ನು, ಅದರಲ್ಲೂ ಇತಿಹಾಸಕ್ಕೆ ಸಂಬಧಿಸಿದವುಗಳನ್ನು ಶಿಕ್ಷಕರು ಮತ್ತು ಮಕ್ಕಳು ಆಳವಾದ ಹಾಗೂ ವಿಷಾಲವಾದ ದೃಷ್ಟಿಕೋನವನ್ನು ಬೆಳೆಸಿಕೊಳ್ಳಲು ಉಪಯೋಗಿಸಬಹುದು. ಆಸಕ್ತರು ಇವುಗಳನ್ನು ಮುಕ್ತವಾಗಿ ಡೌನ್‍ಲೋಡ್ ಮಾಡಿಕೊಳ್ಳಬಹುದು. ಇವುಗಳನ್ನು ನೋಡಲು ಈ ಕೆಳಗಿರುವ 'ಸಂಪನ್ಮೂಲಗಳು' ಲಿಂಕ್ ಮೇಲೆ ಕ್ಲಿಕ್ ಮಾಡಿ.

ಸಂಪನ್ಮೂಲಗಳು

ಸಂಪನ್ಮೂಲಗಳನ್ನು ನೋಡಲು ಇಲ್ಲಿ ಕ್ಲಿಕ್ ಮಾಡಿ.

ಯೋಜನೆಗಳು

ಶಿಕ್ಷಕರು ಹಾಗೂ ಮಕ್ಕಳಿಗೋಸ್ಕರ ಧ್ವನಿಯು ಹಲವಾರು ಯೋಜನೆಗಳನ್ನು ಅನುಷ್ಠಾನಗೊಳಿಸಿದೆ. ಶಿಕ್ಷಕರು ಮತ್ತು ಮಕ್ಕಳು ಒದಗಿಸಿದ ಹಿಮ್ಮಾಹಿತಿಗಳು ತುಂಬ ಉಪಯುಕ್ತವಾಗಿದ್ದು, ನಮ್ಮ ಕೆಲಸದ ಮೇಲೆ ಪ್ರಭಾವಬೀರಿವೆ. ಸದ್ಯಕ್ಕೆ ನಮ್ಮ ಯೋಜನೆಗಳು ಹೀಗಿವೆ - 'ಪೂರಣ', 'ಆರಂಭ' ಮತ್ತು 'ಚಿತ್ರಣ'.

ಇತರ ಸಂಸ್ಥೆಗಳ ಸಹಯೋಗದಲ್ಲಿ ನೆರವೇರಿಸುತ್ತಿರುವ 'ವಿದ್ಯಾಶಿಲ್ಪ' ಯೋಜನೆಯ ಬಗ್ಗೆ ಓದಲು ಇಲ್ಲಿ ಕ್ಲಿಕ್ ಮಾಡಿ.

 

ಲೇಖನ - ಚಿಂತನ / ಮಂಥನ